Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ayuntamiento de A Coruña

  • Compartir
  • Añadir a mi móvil | 
  • Imprimir

Cuándo:

12 de junio de 2019

Participación presenta unha nova edición da revista 'Coruña Mutante', que aborda os retos da sustentabilidade e as opcións de lecer para a mocidade no verán

O novo número da iniciativa impulsada polo programa Nocturnia pódese atopar tanto no web municipal da concellería como en distintos equipamentos municipais

A Concellería de Participación e Innovación Democrática vén de editar un novo número da revista de cultura e ocio para a mocidade Coruña Mutante, impulsada polo programa municipal de lecer alternativo Nocturnia. Nesta ocasión, a revista aborda como tema principal a sustentabilidade a través do programa de educación e participación ambiental Móllate!,  que pretende sensibilizar á cidadanía, en particular á veciñanza, sobre a importancia do coidado e preservación do medio ambiente, especialmente no mundo mariño. O programa centra a súa actividade na festa de maior impacto ambiental que hai na cidade, como é o San Xoán, así que a revista achega distintas recomendacións para gozar da celebración dun xeito respectuoso coa contorna natural.

No número 11 de Coruña Mutante as mozas e mozos poderán coñecer tamén os perfís de catro mulleres coruñesas que triunfan no mundo do deporte, como son Irene Blanco, Mónica Castelo, Rebeca Garrán e Míriam Ríos. As catro deportistas, destacadas nas súas respectivas disciplinas --halterofilia, rugby, jiu-jitsu e fútbol-- narran a súa carreira e a súa relación co deporte, ademais de dar conta dos seus referentes e da importancia da visibilización da presenza feminina na práctica deportiva.

Entre os contidos destacados da revista atópanse tamén as propostas de Nocturnia para as vindeiras semanas, as actividades vinculadas á celebración do 10º aniversario da Torre de Hércules como Patrimonio Mundial, así como a axenda cultural do verán na Coruña para a mocidade, que inclúe propostas no Teatro Colón, Fórum Metropolitano, Coliseum, Teatro Rosalía ou mesmo en toda a cidade a través do Festival Noroeste Estrella Galicia, que celebrará a súa 33ª edición do 6 ao 11 de agosto. Entre as citas máis destacadas, entre os 80 bandas e artistas que participarán, sitúanse os concertos de Patti Smith, Belako, Jello Biafra & The Guantanamo School of Medicine, Nathy Peluso, Joe Crepúsculo ou Los Punsetes.

Coruña Mutante achégase tamén aos Locais de Ensaio municipais, servizo gratuíto para as bandas emerxentes da cidade, e ofrece distintas propostas de lectura para o verán que se poden atopar nas bibliotecas municipais, e deste servizo presenta o seu novo proxecto de innovación e participación cidadá, A eira, un laboratorio de aprendizaxe colaborativa e interxeracional presentado no mes de febreiro polo alcalde, Xulio Ferreiro, e que ten como obxectivo crear, na biblioteca da Sagrada Familia, un espazo para a mellora da calidade de vida e o intercambio de ideas entre a veciñanza.

A revista, que tamén inclúe unha entrevista con Marta Placer --Premio Extraordinario de Danza--, pódese consultar desde hoxe no web do Centro Municipal de Información Xuvenil (CMIX), dependente da Concellería de Participación e Innovación Democrática, e a partir do venres poderase recoller gratuitamente tanto no propio CMIX coma en outros equipamentos municipais, como son os centros cívicos, bibliotecas, museos científicos e instalacións deportivas, Locais de Ensaio, Centro Ágora, Fórum Metropolitano, CIM, COF, Castelo de San Antón, Casas Museo, Fundación Luís Seoane, Kiosko Alfonso, OMIC e o Centro Municipal de Emprego.

Documentos:

Revista Coruña Mutante nº11 (1 MB)

Buscar más noticias

Webs municipales

Encuentre todas las webs y perfiles oficiales del Ayuntamiento de A Coruña.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?